నా బంగారు కి శుభాకాంక్షలు

ఏంటో మా ఇంట్లో అందరూ అల్లరి తో పుట్టారు ...అల్లరి చేస్తూనే ఉన్నారు , అందుకే అల్లరి అంటే భయం వేస్తోంది , మా బాబు ని తిట్టినప్పుడల్లా నన్ను నేను తిట్టుకున్నట్లే ఉంటుంది .అంతలోనే అల్లరి మాని కామ్‌ గా ఉంటే  ఏదో వెలితిగా ఉన్నట్లు ఉంటుంది . మా ఇంట్లో వీడి అల్లరి పుట్టి రేపటికి 6 సంవత్సరాలు పూర్తి అవుతుంది.వాడి గురించి ఎంతో రాయాలని ఉంది కానీ నా దిష్ఠే తగులుతుందని భయం తో ఏమి రాయలేను ..టెక్నాలజీ ఎంత మారినా ...తల్లి ప్రేమ లో మాత్రం మార్పు రాదు కదా !!!

వాడు పుట్టి 6 అవుతున్నా కూడా నిన్ననే పుట్టినట్లు ,,,,అంతలోనే ఎన్నో జన్మల అనుబంధం ఉన్నట్లు అనిపిస్తోంది , వాడి గురించి ఎంతో చెప్పాలని ఉన్నా కూడా , వాడి గురించి రాయాలంటే పేద్ద భాగవతం అవుతుంది అందుకే ఈ సారికి రాయటం లేదు . అంతే కాక వాడికి నచ్చినవి ఇవ్వకుండా నేను రాస్తూ ఉంటే ,వాడికే చికాకు రావచ్చు . అందుకే వాడికి ఈ రోజు  నచ్చినవే ఇద్దామని డిసైడ్ అయ్యాను .




 పొద్దునే లేవగానే నాన్నమ్మ ,తాతయ్య , పెదనాన్న , పెద్దమ్మ , అన్నయ్యలు ,బాబాయ్ ,పిన్ని , చెల్లాయ్ , అమ్మమ్మలు , తాతయ్యలు , పిన్నులు , మావయ్యలు అందరితో  ఫోను లో మాట్లాడి ...తర్వాత  నలుగులు , స్నానాలు తర్వాత కొత్త బట్టలు ...

ముందు జేజి గారి ఆశీస్సులు తీసుకోవాలి కదా ....

అందుకే మా ఇంటి దగ్గరున్న బాలాజి గుడికి వెళ్ళి బోల్డు దణ్ణాలు పెట్టేసుకుని .

ఈ సంవత్సరం నుంచైనా నాకు అల్లరి తగ్గాలి అని వాడు .

నా కుటుంబ అంతా బాగుండాలి అని నేను ...

వీళ్ళిద్దరిని  భరించే సహనం ఇక మీదట కూడా ఇలానే ఉండేలా నీ వరాలని రెన్యువల్  చేయి స్వామీ అని మా వారు


ఇలా అందరం ఎవరి గోల లో వాళ్ళు దేవుడిని ఖంగారు పెట్టేసి ఆయన ఎవరిని దీవించాలి అని అనుకునే లోగా పూజారి గారి ని ఖంగారు పెట్టేసేసి ...కాసేపు గుడి ఆవరణ లో కూర్చుని ప్రసాదాలు తినేసి ఇంటికి వచ్చేయాలి .




ఆ తర్వాత మా వాడికి నచ్చిన బ్రేక్ ఫాస్ట్ ...........

ఇడ్లీ తినమంటే తెగ టైం పట్టేస్తుంది ...ఇదైతే ఫటా ఫట్ ధనా ధన్‌ .....


ఆ తర్వాత మధ్యాహ్న భోజనానికి అన్నీ తినలేడు కదా అందుకే ...కొంచం కొంచం

ముందు తిన్నా తినక పోయినా వాడికి నచ్చిన బొమ్మలు ఇచ్చి ఆ తర్వాత కార్టూన్‌ పెడితే  అప్పుడు వాడు బుద్దిగా ఒక చోట కూర్చుని తింటాడు కదా అందుకే

 

ఇప్పుడు చకచకా తినేస్తాడు ...

తర్వాత స్కూల్  కి వెళ్ళి మొక్క నాటాలి, ఫ్రెండ్స్ కి చాకీస్ పంచాలి  .

ఆ తర్వాత మా హాల్ ని ఇలా బెలూన్ల తో .....కేక్ తో డెకొరేట్ చేసి 

తర్వాత వాడి ఫ్రెండ్స్ గాంగ్ ని పిలిస్తే 

మరి వాళ్ళని ఊరికే పిలిచి క్లాప్స్ అంటే ఊరుకుంటారా? మరి వాళ్ళకి కూడా మా వాడు మెనూ సెట్ చేసాడు .....అవి ఏంటంటే

       

అంతేనా ..మరి మంచి మంచి గిఫ్టులిచ్చి వాళ్ళని సంతోషపెట్టి ...



వాళ్ళందరికీ టాటా చెప్పేసి ....
ఆనందం లో , కేరింతల్లో .....అలసి సొలసిపోయిన నా బంగారు తండ్రికి జోల పాడే టైం అయింది ...అంత త్వరగా పడుకుంటాడా మరి  ... మరి ఎలా ? దానికి ఒక చిట్కా ఉంది ...

చందమామ ఉండనే ఉన్నాడు ..అందులోను మా వాడు మాఘ పౌర్ణమి నాడు పుట్టిన నిండు...చంద్రుడు అందుకే వాడి పుట్టినరోజు రెండు సార్లు చేస్తున్నా..మా చందమామకి ...ఆ చందమామ ని చూపెడతా...అప్పుడు జోకొడాతా అంతే చక్కగా నిద్రపోతాడు ......

చందమామా చూసావుగా అచ్చు నీ లాంటి మా బాబు ని
నేల అద్దాన నీ బింబ మై పారాడు తుంది




అన్నట్లు చెప్పటం మర్చిపోయాను కదూ మా బంగారు పేరు "ఆదిత్య "

హమ్మయ్య ఇంక నేను ఇల్లు సర్దుకోవాలి మరి ...నేను వేసుకున్న ప్లాను ఫ్లాప్ అవకుండా చూడు దేవుడా